దోసిట్లో సముద్రం

దోసిట్లో సముద్రం

ఆటుపోట్ల అల

సూర్యకాంతిలో తడిసి మెరిసే

మేఘాల పగుళ్ళలోంచి

చీల్చుకొస్తున్న వెలుగు

ఆకాశానికి వేలాడుతున్న చెట్టు

ఏరుకున్న ఫలక్షణం

తనలో తానే మాటాడుకుంటూ

వీచి విస్తరించే గాలి స్పర్శ

పూలగుండెల్లో ప్రశ్నల మంట

ప్రకృతి కిటికీ

ప్రపంచ గురువు

కళ్ళు కడిగే కన్నీరు

అశరీర ఆత్మ నిశ్శబ్ద నాట్యం

ఇదీ అదని ఎన్ని చెప్పినా

జీవితాన్ని మరణాన్ని

పూర్తిగా విప్పి చెప్పలేనట్లు

కవిత్వం.