మన పరిచయాల జడిలో తడిసిపోయి అలజడిని మరచిపోయాను ,
మీ చిరునవ్వుల సవ్వడిలో శబ్దాన్ని కోపమనే శత్రువుని వదిలించుకున్నాను ,
మీరు పంచిన జ్ఞాపకాలలో మునిగి , అనురాగపు అలలపై తేలుతున్నాను ,
అంతే లేని అందాలు , కన్నీళ్ళే లేని బాధలు ,
బాధలే లేని కష్టాలు , కష్టాలే లేని జీవితం ఉండదేమో ,..............
అన్నీ ఉన్నా ...............
నువ్వు నాతో ఉన్నావన్న భావమే నన్నింకా బతికిస్తోంది...........................
ఈ జన్మకది చాలు నేస్తం....................
మనసులోని భావాలెన్నో:-
మనసులోని భావాలెన్నో
మరువలేని గాయాలెన్నో
వీడలేని నేస్తాలెన్నో
వీడిపోని బంధాలెన్నో
మరపురాని పాటలెన్నో
మధురమయిన క్షణాలెన్నో
కవ్వించే కబుర్లెన్నో
మాయమయ్యే మార్పులెన్నో
అవసరానికి ఆడిన అబద్ధాలెన్నో
ఆస్చర్యపరిచే అద్భుతాలెన్నో
మాటల్లో చెప్పలేని ముచ్చట్లెన్నో
ముసుగు వేసిన మనసుకు మరువరాని జ్ఞాపకాలెన్నో
ఎన్నో ఎన్నెన్నో ఇంకెన్నో...
మనిషి జీవితంలో మరువలేని ఇంకెన్నో
ఇదే జీవితం... దీనిని అనుభవించు అనుక్షణం .......
నీకు రాసివ్వాలనే ఉంది..
గుండె గుండెకు మధ్య
విధి వింతగా ప్రవర్తించినప్పుడల్లా
వెదికి వెదికి వజ్రాన్ని సంపాదించినట్లు
ఆ పిలుపు ప్రకంపనల ద్వారా
నీ హృదయంలో దాక్కోవాలనే ఉంది
నిస్వార్ధంగా...నిజంగా ఉండాలే గాని
తాకి చూడలేని తారల్ని సైతం
తాయిలంలా నీకు పంపాలనే ఉంది
ప్రతిక్షణం పంచే నీ అనురాగంలో
రాగాన్ని నేనై ఉండాలే కానీ
నీ స్పర్శను అంతరాత్మలో భద్రపరుచుకోవాలనే ఉంది
నీ నిత్య నామ స్మరణలో
నా నామం ఒక్క క్షణమైనా వినిపించాలే కానీ
శాశ్వతంగా నీ చిరునవ్వుల చిరునామానైపోవాలని ఉంది
కదులుతున్న ఈ నిరంతర పోరాటంలో
నీకు నేను నాకు నీవు అనిపించాలే కానీ
నీ అడుగుల సవ్వడిని అందరికి వినిపించాలనే ఉంది
కారణం ఏదైనా కానీ
కనుచూపు మేరలో నువ్వు కనబడాలే కానీ
కలవపువ్వునై నిత్యం నిన్ను కొలవాలనే ఉంది
ఈ అనంత విశ్వంలో
ఉన్న ఎన్నో బ్రమ్హాండాలలో
అణువైనా నాకోసం నువ్వు వెదుక్కోవాలే కానీ
హృదయాకారంలో నిన్ను వెంబడించాలనే ఉంది
లక్షల వేల క్షణాల కాలంలో
ఏ కొద్దీ కాలమైనా నువ్వు నాకై నిరీక్షించాలే కానీ
నా జీవితాన్ని నీకు పూర్తిగా రాసివ్వాలనే ఉంది
నిజమిది అని ఒప్పుకోను.....
నేను
నిజమిది అని ఒప్పుకోను
అబద్ధమని మరువలేను
తప్పు నాదని తలవంచలేను
ఒప్పు ఇది అని ఎదిరించలేను
అందుకే..
గుండె రగిలిన మంటల్లో
చలి కాచుకుంటూ..
మనసు ముసురుల్లో
తల దాచుకుంటూ..
ఏకాంత క్షణాల్లో
నిను వెదుక్కుంటూ..
గొంతులో గరళాన్ని
దాచేసుకుంటూ..
నీకోసం..
నేనున్నానని ఊతమిస్తున్నా
నేనుంటానని మాటనిస్తున్నా
నీ సుఖాన్నే కోరుకుంటున్నా..
నిన్నలా , మొన్నలా నువ్వున్నా
నేడు ఏదో తెలియని ఆలాపన నాలోన
నీ శ్వాసలు తాకితేనే నన్ను నేను మైమర్చిపోతున్నా
నీ అడుగుల సవ్వడిలో ప్రతిరోజు గడపాలనుకుంటున్నా
నీ చిరునవ్వుల వేకువ కోసం ఈ నిరీక్షణ చీకటిన్ని భరిస్తున్నా
నీ మాటల చిరుజల్లుకే పుడమిలా పులకరిస్తున్నా
నీ ఒరచూపుకే నన్ను నేను భానిసను చేస్తున్నా
నువ్వు నాకు దగ్గరవుతున్న ఓ క్షణమైనా అలా నిలిచిపోవలనుకుంటున్నా
నువ్వు దూరమై అర క్షణమైనా ఆ విరహవేదన భరించలేకున్నా
ఇంకా ఎన్నో చెప్పలేని భావాలు కలుగుతున్నా
ఎందుకో తెలియక సతమమవుతున్నా
కామెంట్‌లు లేవు:
కామెంట్‌ను పోస్ట్ చేయండి