ఎదురు చూపుల చివరి ఆశలు

జీవించడానికి కావలసినవన్నీ వున్నాయి
మనసుభారమై అవి దూరమౌతున్నాయి

మాటలకి మాటలే సమాధానమౌతున్నాయి
ప్రవర్తన తో పరివర్తనలు కనుమరుగౌతున్నాయి

ప్రేమ తో చాచిన చేతులు చిన్నవౌతున్నాయి
ఆగిపొయిన ఎదురు చూపులే పెద్దవౌతున్నాయి

స్థూలం పై వేలు చూపి, సూక్ష్మాన్ని దాచి
అంతరంగంలో కునీతిని దాచుకుంటున్నాయి 

ఆత్మద్రోహపు హద్దులు దాటిన దురాత్మలు
దౌర్బల్యాన్ని, ధనంగా, దోచుకుంటున్నాయి

ఎదురు చూపుల చివరి ఆశలు
సుడిగాలి చిగురుటాకుల్లా వణుకుతున్నాయి