నేను…
ఎన్నో తప్పులు చేసుండొచ్చు..
ఎందరినో నొప్పించి ఉండొచ్చు…
భాధపడి ఉండొచ్చు…
భాధపెట్టి ఉండొచ్చు…
కన్నీరు కార్చుండొచ్చు…
ఓదార్చి ఉండచ్చు…
ధైర్యం ఇచ్చుండచ్చు…
దౌర్జన్యం చేసుండచ్చు…
కాదు అనలేక అవునని అనుండొచ్చు..
అవును అనాలని ఉన్నా కాదనుండచ్చు…
నిజాలని దాచుండొచ్చు…
అబద్దాలు చెప్పుండొచ్చు…
ఏది చేసినా..
ఎన్ని చేసినా..
నేనేంటో నాకు తెలుసు..
కన్నీటికి కరిగిపోవడం తెలుసు…
కోపంతో రగిలిపోవడం తెలుసు…
కరుణ కురిపించడం తెలుసు…
కరుకుగా మాట్లాడడం తెలుసు…
ఎన్నెన్ని నిజాలు కాల్చేస్తున్నా బయటకి నవ్వడం తెలుసు..
నవ్వీ నవ్వీ అలసిపోయి కన్నీటిలో కలవడం తెలుసు…
నాకు స్నేహం తెలుసు…
నాకు ప్రేమ తెలుసు…
ఆలోచనలని అదుపు చెయ్యడం తెలుసు…
ఆలోచనల్లో బ్రతికెయ్యడం తెలుసు…
చెడ్డ చేయ్యలనే ఆలోచన దరికి కూడా రానివ్వని తెలుసు…
పొరపాటు చేసానని తెలిసిన వెంటనే ఒప్పుకుంటానని నాకు తెలుసు…
నా అనుకున్న వారి కోసం నేను నన్ను మరచిపోతానని తెలుసు…
నేను మంచిని కాకపోవచ్చు..కాని చెడుని కాదని తెలుసు..
చలా తప్పులు చేసుండచ్చు…అవి తెలిసి చెయ్యలేదని తెలుసు…
అవి మళ్ళి చెయ్యలేనని తెలుసు..!!!
నాకు నేనేంటో తెలుసు..!!!
నేను మారుతున్నాని తెలుసు…మారుతుంటానని తెలుసు…
కాని ఆ మార్పు మంచికే అని తెలుసు…
ఆ మార్పు మంచిదే అని తెలుసు..!!!
కామెంట్‌లు లేవు:
కామెంట్‌ను పోస్ట్ చేయండి