వెన్నెలాకాశంలో మంచుశిల్పాలు.....

ఒక స్వప్న మేఘం కరిగిపోతూ 
అందరి హృదయాలలో 
కన్నీటిని వర్షించింది!

స్వప్న పధికుడు మరెవరికీ 
అందనంత దూరం 
వడివడిగా 
నడుచుకుంటూ పోయాడు!

శోధన నాళికలోంచి 
స్వప్న లోకాల పయనమయ్యాడు!

శిరస్సు తెగిన దీపపు 
స్తంభానికి తన జీవన నౌక లంగరువేయగా
పెద్ద పెద్ద అంగలు 
వేసుకుంటూ పోయాడు!

కానీ...
పైకి చూడు నీ మనో నేత్రంతో 
ఆయన వేలి చివరల నుండి రాలిన 
వెన్నెలాకాశంలో 
మంచుశిల్పాలు.....