ఆవేదనో తెలియదు..... ఆనందమో తెలియదు......
ఒక్క సారిగా నీవు కనిపించగానే నా కన్నుల్లో కన్నీరు....
ఇన్నాళ్ళ విరహానికి విలువగానో !!
లేక
ఈనాటి కలయికకి కానుక గానో !!
బాధో తెలియదు, భారమో తెలియదు.....
నీకు చెప్పుకోలేక నా ప్రేమ పడే బాధ........
మనసులో దాగలేకనో !!
లేక
పెదవి నుండి దాటలేకనో !!
మధురమో తెలియదు, మైకమో తెలియదు......
నువ్వు ప్రేమించావని చెప్పగానే నా గుండె నిండిన అనుభూతి..
నీ మాట చినుకులు నా మనసులో ముత్యాలైనట్లు గానో !
లేక
నీ పెదవిమత్తులో మునిగిన పలుకులతో నా మనసుకి మైకం కమ్మినట్లో !!
నేను నచ్చలేదనో.... నిన్ను మరువలేకనొ....
నన్ను వదిలి నీ మనసులో చేరిపోయింది నా ప్రేమ....
తెలియని ఆనందం నీ మనసులో దొరికిందనో !
లేక
స్వేఛ్చ నిండిన భానిసత్వం నీ గుండెల్లొ నిండి వుందనో !!
కామెంట్‌లు లేవు:
కామెంట్‌ను పోస్ట్ చేయండి