నీతి వాక్యాలు

1. చేసిన తప్పును సమర్ధించుకోవడంకంటే, దాన్ని సరిదిద్దుకునేందుకు తక్కువ సమయం పడుతుంది

2. జీవితం ఓ యుద్ధభూమి, పోరడితే గెలిచేందుకూ అవకాశం ఉంటుంది, ఊరక నిలుచంటే మాత్రం ఓటమి తప్పదు

3. వేసిన సంకెళ్ళను తీసివేయమని అవి వేసిన వారినే ప్రాధేయపడేకంటే సత్తా పెంచుకుని వాటిని స్వయంగా ఛేదించుకోవడం మంచిది

4. వివేకి ఎన్నడూ జరిగిన నష్టాన్ని తలచుకుని దిగులుపడడు, దాన్ని ఎలా భర్తీ చేయాలా అని మాత్రమే ఆలోచిస్తాడు

5. అంధుడికి అద్దం ఇవ్వడం ఎంత నిష్ప్రయోజనమో మూర్ఖుడికి మంచిని బోధించడమూ అంతే

6. సలహా అనేది నీ స్నేహితులను కేవలం సంతోషపెట్టేదిగా కాదు, సహాయపదేదిగా ఉండాలి

7. వైఫల్యాన్ని పరాజయంగా కాక ఆలస్యంగా లభించనున్న విజయంగా భావించేవారే విజేతలవుతారు

8. కోపంగా ఉండటం అంటే మండుతున్న బొగ్గుముక్కను ఇతరులపై వేయటానికి సిద్ధపడటమే, కానీ వారిపై వేసేలోపల అది మన చేతిని కాల్చుతుందని మరచిపోకూడడు

9. వాడని ఇనుము తుప్పు పడుతుంది, కదలని నీరు స్వఛతను కోల్పోతుంది, అలాగే బద్ధకం మెదడును నిస్తేజం చేస్తుంది

10. కష్టాలవల్ల కలిగే క్షోభను ఉన్నతుడు మాత్రమే తట్టుకోగలడు, సానమీద రాపిడిని మాణిక్యమే సహించగలడు కానీ మట్టిగడ్డ కాదు

11. అసమర్ధుడికి అడ్డంకిగా తోచే రాయి సమర్ధుడికి సోపానం అవుతుంది

12. మేధావులు తమ మేధస్సును చదువుకోవడానికి ఉపయోగించే లాంతరులా కాక అందరికీ దారి చూపే వైట్ హౌస్లా వినియోగించాలి

13. అమ్మ... ప్రేమకు ప్రతిరూపం. వదిలంగా కాపాడుకో. ఆమెను పోగొట్టుకున్నప్పుడు కానీ ఆ లోటు ఎంత దుర్భరమో తెలీదు

14. ఔన్నత్యమంటే కోరికలను చంపుకోవడం కాదు, వాటిని అదుపులో ఉంచుకోవడం

15. అనంతమైన దుఖాఃన్ని చిన్న నవ్వు చెరిపివేస్తుంది, భయంకరమైన మౌనాన్ని ఒక్క మాట తుడిచివేస్తుంది

16. ఎప్పుడూ కింద పడకపోవడం కాదు, వడిన ప్రతిసారీ తిరిగిలేవడమే గొప్ప

17. కలలు కనేవారికి గుండెధైర్యం మెండుగా ఉండాలి, కలల తీరం చేరాలంటే నిప్పుల బాటలో నడవాలి మరి

18. మనం త్వరగా నిద్రలేచినంత మాత్రాన సూర్యుడు ముందుగా ఉదయించడు

19. ఉపాధ్యాయుడు నిరంతరం నేర్చుకుంటూఉంటే తప్ప ఇతరులకు బోధించలేడు, దీపం తాను వెలుగుతూ ఉంటే తప్ప మరో దీపాన్ని వెలిగించలేదు

20. అధికారాన్ని ప్రేమించడమంటే నిన్ను నువ్వు ప్రేమించుకోవడం, స్వేచ్చను ప్రేమించడమంటే ఇతరుల్ని ప్రేమించడం

21. విధ నేర్చుకునే వాడు గతంలో తానెమీ నేర్చుకోలేదని భావించి కొత్త విషయాలు నేర్చుకుంటూ ఉండాలి, గుణపాఠాల విషయంలో మాత్రం పాత అనుభవాల్ని నిత్యం పునశ్చరణ చేసుకుంటూ ఉండాలి

22. మాట్లాడాల్సిన చోట మౌనం వహించడం, మౌనంగా ఉండల్సిన చోట మాట్లాడటం... రెండూ తప్పే

23. మనకోసం మనం చేసేది మనతోనే అంతరించిపోతుంది, పరులకోసం చేసేది శాశ్వతంగా నిలుస్తుంది

24. నిన్నటికంటే నేడు నీ వివేకం పెరగకపోతే, నీ జీవితంలో ఓ రోజు వ్యర్ధమయిపోయిందని తెలుసుకో

25. తప్పు చేశారని ప్రతి ఒక్కరినీ ద్వేషిస్తూపోతే, ప్రేమించడానికి ఎవరూ మిగలరు

26. అడ్డంకులకు కుంగిపోతే అపజయం, వాటిని అనుభవాలుగా మలచుకోగలిగితే విజయం

27. స్నేహాన్ని నటించే మోసగాడికన్నా, ద్వేషాన్ని వెలిగక్కే శత్రువు మేలు

28. నాలుకను అదుపులో పెట్టుకోవడమే నిజమైన యోగసాధన

29. మల్లెలకీ మంచి గంధానికీ ప్రచారం అనవసరం

30. నయంకాని వ్యాధికన్నా మరణం, దుష్టులతో స్నేహంకన్నా ఒంటరితనం, యోగ్యతలేని పొగడ్తకన్నా నింద,... మేలైనవి.