తోడు రావే రామ చిలుక

తోడు రావే రామ చిలుక
పొద్దు  పోయే వేళాయే
జాబిలమ్మ తోడు ఒచ్చినా
చిలక పలుకులు లేవాయే

తారలనుకొని మోసపోకు
తోట పూచినా మల్లె పూలు
పాములనుకొని భయపడకు
నీ కబురు విని సిగ్గు పడ్డ మల్లె తీగలు
నన్ను చూసి ఒంటరనుకునేవు
నీ తలపులుండ నే ఒంటరి కాదు

రెక్కలందుకో వేగమందుకో
రెప్ప పాటున వాలిపోవే
రేయి దాటిన దిగులు లేదు
ఎక్కడునా భద్రము
దూరమైతే కబురుపంపు
కలనై నేనే కదులుతాను