నీ నవ్వు

నీ నవ్వు

మిల మిల మెరిసే ముత్యమే నీ నవ్వు
చిలికిన మజ్జిగలా తేలికైనా నీ నవ్వు
విరబూసిన మల్లియలా తెల్లనైనదీ నీ నవ్వు
సూర్యుడి కిరణంలా తళతళాడేదీ నీ నవ్వు
స్వాతి చినుకులా స్వచ్చమైనదీ నీ నవ్వు
ముద్దబంతిలా ముద్దుగా ఉండేది నీ నవ్వు
నిన్ను మదిన తలిచిన క్షణమే తారసపడుతుంది నీ నవ్వు
నయనం మూస్తే చీకట్లను దోసుకుని దర్శనమంస్తుంది నీ నవ్వు
అద్దంలో చూస్తుంటే నాకు బదులు అగుపిస్తుంది నీ నవ్వు
క్షణాలు గడిచినా నా మదిన గూడు కట్టుకుంది నీ నవ్వు
జన్మ ఉన్నంత వరుకూ జ్ఞాపకంగా ఉంటుంది నీ నవ్వు...