మాట్లాడుకోవటానికి

మాట్లాడుకోవటానికి
మాటలు బాగుంటాయి
మనసుల మధ్య
బంధాలను ..ప్రేమానురాగాలను
కొత్తదనపు కోరికలను
కలిగించే సాధనాలుగా
ఉపయోగపడుతాయి ..!

మౌనంగా ఉండటం కంటే
మాట్లాడుకోవటం గొప్పగా ఉంటుంది
పాలల్లో నీలల్లగా
పచ్చని పైరుల్లో
పరుగులు తీసే లేగ దూడల్లా
మాటలు విడిపోయిన
హృదయాలను కలిపేస్తాయి ..!

ఏకాంతంలో
ఒకరికొకరం
ఏకమై పోయే తరుణంలో
మాతలాడుకోవటం ఉండదు
అప్పుడు మౌనమే
బావుంటుందని అనిపిస్తుంది ..!

ఒకే జ్ఞాపకమై
కలల సంచారం చేస్తున్నప్పుడు
మాటలకంటే మౌనమే
మేలని అనిపిస్తుంది
కళ్ళు కలువల్లా
విచ్చుకున్నప్పుడు
ప్రియురాలి కనుపాపలు
కదలాడుతున్నప్పుడు
కనురెప్పలు మినుగురుల్లా
మిణుకు మిణుకు
మంటున్నప్పుడు
ప్రేమ మళ్ళీ పురుడు
పోసుకుంటుంది
అది ఆ రెడ్ను దేహాలను
అల్లుకునేలా చేస్తుంది ..!

ఓ వెచ్చని కలవరింత
ఓ నులివెచ్చని పులకింత
ఈ బతుక్కి చాలనుకుంటా ..!!