ఎన్నిసార్లయినా పునర్జన్మకు సిద్దపడు. "

" అక్షరాలతో సహవాసం
ఎంత అదృష్టమో కదా !
మాటలతో చెలిమి
మనసును ఆవిష్కరించే కుంచె కదా !
కవిత నీ కన్న బిడ్డ కదా !
అందుకే
గొప్ప కోసం వ్రాయకు
ఎవరి మెప్పు కోసమూ వ్రాయకు
ప్రాసల ప్రయాసల కొఱకు వ్రాయకు
ఆలోచన నిన్ను నిలువనీయనపుడూ
సంతోషం నిన్ను ఉక్కిరి బిక్కిరి చేసినపుడూ
సంవేదన నీ గుండెను మెలిపెట్టినపుడూ
మనస్సులో మథనం జరిగితేనే కదా !
పదాల పొదుపూ ,పొందికా కుదురుతుంది .
ఆత్మ తృప్తి కొఱకు , ఆర్తుల కొఱకు
ఆనందం పంచటానికి
ఆవేదన పంచుకోవటానికి
ఆలోచనల పదును పెంచటానికి
ఎన్నిసార్లయినా పునర్జన్మకు సిద్దపడు. "