ఎందుకీ అహంభావం?!

మనస్సు నిరాకారమైంది. దీనికి ముగ్గురు చెలికత్తెలున్నారు. అవి బుద్ధి,
చిత్తం, అహంకారం. పంచభూతాలైన ఆకాశం, వాయువు, నీరు, అగ్ని, భూమి కలిసి భౌతిక
శరీరం ఏర్పడితే, అందులో మనస్సు,బుద్ధి, చిత్తం, అహంకారం — ఈ నాలుగూ
అంతర్లీనంగా వుంటాయి. అవసర సమయాల్లో బుద్ధి, చిత్తం, అహంకారం మనస్సుకు
మంచిని మార్గదర్శకం చేస్తున్నా, మనసు పెడచెవి పెడుతూనేవుంటుంది.
అప్పుడుమాత్రం, ఈ ముగ్గురు చెలికత్తెలు తమకెందుకని ప్రక్కకు
తప్పుకుంటుంటారు. అప్పుడు మనస్సు ఏకాకే!! ఇక పంచభూతాల విషయానికి వస్తే, ఈ
ఐదూ విడిపోయినాయా (అంటే, మరణం), అప్పుడూ మనస్సు ఏకాకే!! మరి మనస్సుకు
ఎందుకీ అహంభావం?!