||అందం||

ఉషోదయానికి విహరించే పక్షులు అందం
అర్దోదయానికి చల్లని చెట్ల నీడలే అందం
సంధ్యా సమయానికి వచ్చే హరివిల్లులు అందం
నిశాసమయానికి వెలుగులు చిందే తారకలు అందం
ఆకాశానికి సింధూర వర్ణ కాంతులు అందం
చంద్రోదయానికి విచ్చే కమలాలు అందం
చిరుగాలి అల్లర్లకు పచ్చికబయళ్ళ నాట్యం అందం
చిరుజల్లులు వేళ మట్టి సువాసనలు అందం
చిటపట చినుకులకు పసిపిల్లలు ముద్దులోలికించే
నవ్వులు అందం
జలపాతాల హోరుకు ఝరులు అందం
నదీ ప్రవాహంలో పడవ ప్రయాణం అందం
తుమ్మెద ఝుంకారంలో వినబడే శబ్దం అందం
రంగు రంగుల పుష్పాలకు మకరందమే అందం
మనిషి మనసుకు మంచితనమే అందం