తెలుసుకొని పలుకుదాం మనం ప్రతీ మాట..

మనిషికి మనిషికి తొలి పరిచయం 'మాట'..
పెదవులు పలకని మాటలను పదాలతో తెలుపుతాము..

ప్రతీ మాటలో ఉన్నది ఎంతో మహత్యం..
అది వ్యక్తం చెయ్యటానికి కావాలి నైపుణ్యం..

కలుపుతుంది మనసులను మధురమైన మాట..
శక్తిహీనులను చేస్తుంది పెదవి విరిచే మాట..

పెంచుతుంది మనోధైర్యాన్ని ఒక చిన్న మాట..
తెంచుతుంది బంధాన్ని పరుషమైన మాట..

విరిగిన హృదయాన్ని సైతం అతికిస్తుంది విలువైన మాట..
విధిని సైతం ఎదురించే ధైర్యన్నిస్తుంది ఒక మంచి మాట..

తెలుసుకొని పలుకుదాం మనం ప్రతీ మాట..
నోచుకోనక నొప్పించక ఆలోచించి మాట్లాడుదాం,
ఆనందంగా జీవిద్దాం....!!!