అంత తేలికేమి కాదు ......

అంత తేలికేమి కాదు ......
గుండెలో నుంచి ప్రేమని 
స్వరపేటికలో నుంచి సంగీతాని బయటకు తీయడం 
అంత తేలికేమి కాదు ...

కళ్ళలో నుంచి మొదల్లుపెట్టి 
పెదవుల చివరనుంచి ప్రేమని 
మధురహాసంగా ప్రవహించనీయడం
అంత తేలికేమి కాదు ...

ప్రతిక్షణం నీతోనే గడుపుతూ 
నీ సంభాషణల తాలూకు జ్ఞాపకాలతో 
అందమైన పరదాను ఏర్పాటు చేయడం 
అంత తేలికేమి కాదు ...

నన్ను వదలి వెళ్ళిన నీకు 
నా ప్రేమను గుండెచప్పుడుగా వినిపించడం 
అంత తేలికేమి కాదు ......

మరు జన్మ లో మనసిస్తానని మాటిస్తే మరణాన్నేకోరుకోనా

మరు జన్మ లో మనసిస్తానని మాటిస్తే మరణాన్నేకోరుకోనా 
చిరు చెంప పై చోటిస్తానని తను చెబితే కన్నీటి నై కరిగిపోనా
ఆ కన్నుల అంచుల మాటున కొలువే ఇస్తే కలగానే మిగిలిపోనా 
ఆ పెదవుల తోటల పూసే వరమే ఉంటే కథగానే మారిపోనా
మువ్వలా ఆమె కాలికి ముచ్చట నవనా 
దివ్వెలా ఆమె దారికి వెలుగును ఇవనా
అలనై పోనా ఆమె నవ్వుల సంద్రాన 
శిలనై పోనా ఆమె తాకిన తరుణాన
ఆమె చిన్ని మనసున చిలిపి ఊహను కానా
ఆమె కన్నె సొగసున వలపు పూతై పోనా 
మళ్లీ గుర్తుకు వచ్చేందుకు ఆమె తలపున మరుపును కానా
మళ్లీ గెలుపును ఇచ్చేందుకు ఆమె ఆటకు పావును అవనా 
మండు వేసవిన ఆమె కోసమే మంచు వర్షమై కురవనా
పండు వెన్నెలను వెండి మబ్బులను ఆమె పాన్పులా పరవనా
ఆమె కొంటె కోపమవనా
ఆమె వంటి మెరుపునవనా
ఆమె బాధను నేను మొయ్యనా
ఆమె అడిగితే ప్రాణ మివ్వనా 
అడగను ఆమె కన్నీటిని నా చావున అయినా 
కోరను నా కోసం ఆమె చిగురంత స్నేహమైనా 
వెతుకుతూనే ఉంటా ఒంటరిగా, చేసేందుకు ఆమె కోసం ఏమైనా

కొంత కాలం కిందట బ్రహ్మ దేవుని ముంగిట

రెండు ఆత్మలు కోరుకున్నవి ఓ వరం

రూపురేఖలు వేరట ఊపిరొకటే చాలట

ఆ వరాన్నే స్నేహమంటున్నాం మనం

కంటిపాపను కాపు కాసే జంట రెప్పల కాపలాగా

నిండు చెలిమికి నువ్వు నేను నీడనివ్వాలి

స్నేహమంటే రూపులేని ఊహ కాదని లోకమంతా

నిన్ను నన్ను చూడగానే నమ్మి తీరాలి


బొమ్మా బొరుసు లేని నాణానికి విలువుంటుందా

మనమిద్దరమూ పుట్టుండకపోతే చెలిమికి విలువుందా

సూర్యుడు చంద్రుడు లేని గగనానికి వెలుగుంటుందా

మన కన్నులలో కొలువుండకపోతే చెలిమికి వెలుగుందా

గల గల మని సిరిమువ్వగా కలతెరుగని చిరునవ్వుగా

నా ఎదలయలే తన మధురిమలై సాగాలి నీ స్నేహం


వివరిస్తున్నది అద్దం మన అనుబంధానికి అర్ధం

నువు నాలాగ నే నీలాగ కనిపించడమే సత్యం

నువు చూసే ప్రతి స్వప్నం నా రాతిరి దారికి దీపం

నీ కల నిజమై కనిపించనిదే నిదురించనురా నేస్తం

గెలుపును తరిమే ఆటగా నిలవని పరుగులు తీయగా

మన ప్రాణాలే తన పాదాలై సాగాలి ఈ స్నేహం

http://www.andhrafolks.net/Lyrics/Lyrics.asp?Category=1&Alphabet=27

సిరి మువ్వల అందెలు తొడిగి

సిరి మువ్వల
అందెలు తొడిగి
సిరి మల్లెలు సిగలో దోపి
చిరునవ్వుల వరమిచ్చే
చెలియ చేతిని పట్టుకొనగా
రెక్కల గుఱ్ఱంపై వస్తావని
పగలే వెన్నెలగా
రేయినే పగలుగా తలచి
పండు వెన్నెలలో మెరిసే తారలను పిలిచి
నీ జాడ తెలుపుమని ప్రాధేయపడుతూ
నీ కొరకు వేచి ఉన్నాను..!!