అన్నీ జ్ఙాపకమే

అన్నీ జ్ఙాపకమే
అన్నీ జ్ఙాపకమే...ప్రియా!

నా నడకల కదలికల చిరు సవ్వడులు
నీ చెవిని సన్నగా చేరినప్పుడు
ఎక్కడనీవెక్కడని నాకై నీ కన్నులు పరికించడం..

నా హృదయ స్పందనల తరంగ వీచికలు
నీ మదిని మెత్తగా తాకినప్పుడు
గుండెచప్పుడాపి పరిపరి నీ మనసు పరితపించడం..

నా తొలితొలి వలపుల తొలకరి జల్లులు
నీ మోవిపై చల్లగా కురిసినప్పుడు
సమ్మోహితమై తడిసిన నీ పెదవులు కంపించడం..

నా మల్లియ సొగసుల పరిమళ గంధాలు
నీ ఎడదపై మృదువుగా పూసినప్పుడు
పరవశభరితమై తన్మయ నీ తనువు పులకించడం..

అన్నీ..నాకింకా జ్ఙాపకమే!

పుత్రోత్సాహం?

చూడవే మనబాబు ఎంత ముద్దొస్తున్నాడో
ఒకటే ఆనందం పసికందుని చూస్తూ
వీడెంత స్పష్టంగా మాట్లాడుతున్నాడో చూసావూ?
అత్తా..తాతా..తొలిపలుకులే వేదాల్లా వినపడినప్పుడు

అరె, నా దిష్టే తగిలేలా ఉందే
తోటిపిల్లల్తో పోలిస్తే మావాడే అందంగా ఉన్నాడు
మా వాడికి బ్రహ్మాండమైన రాంకు వచ్చింది
తొణికిసలాడే గర్వంతో ఆఫీసులో స్వీట్లు పంచిపెడుతూ


ఎంత ఠీవి, ఏమి దర్జా, మగవాడంటే ఇతడే కదా!
పట్టలేని సంతోషం అతన్ని ఉద్యోగస్తుడిగా చూస్తూ
మనవాడు పెళ్లికొడుకుగా ఎంత బాగున్నాడో కదూ!
ఇంత ముచ్చటగా మునుపెవర్నైనా చూసామా?

నా కన్నతండ్రి ఇద్దరు పిల్లలకు తండ్రయాడా?
ఎంత హుందాగా ఉన్నాడు నాన్న హోదాలో!
ఇంత అందమైన ఇల్లు ఈ దరిదాపుల్లో ఉందా?
మనవాడు కాబట్టి ఇంత గొప్పగా కట్టించగలిగాడు

ఒకటేమిటి? అడుగడుగునా ఆనందమే
ప్రతిరోజూ వాణ్ణి చూసి నాకు సంబరమే
మొన్నటివరకూ!

ఇప్పుడు మురిసిపోవడానికి ఇక్కడ ఏమీ లేదు
నాతో కలిసి నెమరేసుకోడానికి ఆమె కూడా లేదు
ఈ ఆశ్రమంలో నా చుట్టూ నాలాంటి నాన్నలే
వాళ్ల కొడుకులూ మావాడిలాగే
అమెరికాలోనో..ఆస్ట్రేలియాలోనో..

లోకంలోని నాన్నలంతా ఒకెత్తు నాకు మా నాన్నొక్కరే ఒకెత్తు

లోకంలోని నాన్నలంతా ఒకెత్తు
నాకు మా నాన్నొక్కరే ఒకెత్తు

ఈ అక్షరాలు నాకాయనిచ్చినవి
నా లక్షణాలు ఆయన్నించొచ్చినవి
సుతిమెత్తిని హృదయమాతని సొంతం
చీమకైనా ఎలాంటి హానీ చేయలేరు

మృదువైన భాషణ అతనికాభరణ
పొరపాటునైన పరుషములాడెరుగరు

సూక్ష్మమైన జ్ఙానమాతని సొత్తు
విషయమేదైనా విడమర్చి చెప్పగలరు

మంచులాంటి మనసాతని ఆస్తి
కలనైనా కష్టమెవరికి కలగనీరు

నా ఉత్సాహానికి ప్రోత్సాహమై
నా ప్రతిభలకు పునాదై
నా ప్రతిపనికీ ప్రేరణయై
నా అశయాలకు ఆలంబనై
అన్నిటా తోడై నడిపించారు
కనిపించని లోకాలనున్నా
నాక్కనిపిస్తూనే ఉన్నారు
నా ఆలోచనలలో నిండి.
ఆచరణలలో నాతోడుండి
అప్పుడూ..ఇప్పుడూ..ఎప్పుడూ
నాతోడే మా నాన్నెప్పుడూ !

Dream Girl

my dream girl ela undi frds supper kada
అతిలోక సౌందర్యమా ..!
కలువలు సైతం కుళ్ళు కుంటూ వున్నాయి

నీ కన్నుల సొగసును చూసి ...

గులాబీ లు సైతం సలాం అంటున్నాయి

నీ పెదవుల ఎర్ర దనాన్ని చూసి ...

పాలమీగడలు సైతం దాసోహం అంటున్నాయి

నీ చెక్కిళ్ళ చక్కదనాన్ని చూసి...

పండువెన్నెల సైతం పరవసిస్తుంది

నీ చిరు మందహాసాన్ని చూసి...

తేనే మాధుర్యం తక్కువనిపిస్తుంది

నీ పలుకులలో తియ్యదనం చూసి ...

చందమామ కూడా చిన్నబోయింది

నీ మోము ని పరిశీలనగా చూసి ...

సరిగమల కి కూడా గతి తప్పుతుంది

నీ నడకలోని హొయాలను చూసి ...

ఇంద్రధనస్సు కూడా మైమరచిపాయింది

నీ మేని విరుపులు చూసి ...

అను నిత్యం నను కలలో వేధించే అతిలోక సౌందర్యమా

ఇంతకీ నీవెక్కడ ....???

ఆత్మీయతలో ముంచి తీసినట్టుగ వుంటుంది

ఆత్మీయతలో ముంచి తీసినట్టుగ వుంటుంది
కనుచూపుమేరంతా
పరుచుకున్న పచ్చదనంలా వుంటుంది
గుండెకి సంబంధించిన
సుతిమెత్తని సవ్వడి లా వుంటుంది
భుజమ్మీద వాలిన
వెచ్చని స్పర్శలా వుంటుంది
గాయాలు కన్నీళై ప్రవహించేవేళ
చల్లని ఓదార్పులా వుంటుంది
నిస్సారంగా గడిచిపోయే మధ్యాహ్న్నపు వేళ
ముంగిట వాలే ఉత్తరంలా వుంటుంది
ఏకాంతపు సాయంత్రాల్ని
ఇసుకతిన్నెల మీదికి నడిపించే
సమ్మోహన శక్తిలా వుంటుంది
దిగులు మేఘాలు కమ్ముకున్నపుడు
చెప్పలేని చింతలేవో చీకాకుపెట్టేటప్పుడు
పెదవి మీద మొలిచే చిరునవ్వులా వుంటుంది
నీతో స్నేహం.......
అపూర్వం, అపురూపం
అది నా అంతరంగానికి, ఆత్మకి సంబంధించింది

శివ పూజకు చివురించిన సిరి సిరి మువ్వా

శివ పూజకు చివురించిన సిరి సిరి మువ్వా
మ్రుదు మంజుల పద మంజరి పూచిన పువ్వా
యతి రాజుకి జతి స్వరముల పరిమళమివ్వా
నటనాంజలితో బ్రతుకును తరించనీవా
పరుగాపక పయనించవె తలపుల నావా
కెరటాలకు తలవంచితె తరగదు త్రోవా
యెదిరించిన సుడి గాలిని జయించి నావా
మదికొరిన మధుసీమలు వరించి రావా
పడమర పడగలపై మెరిసే తారలకై
ధాత్రిని వరించకే సంధ్యా సుందరి
తూరుపు వేదికపై వేకువ నర్తకివై
ధాత్రిని మురిపించే కాంతులు చిందని
నీ కదలిక చైతన్యపు శ్రీకారం కానీ
నిదురించిన హ్రుదయ రవళి ఓంకారం కానీ
శివ పూజకు చివురించిన సిరి సిరి మువ్వా
మ్రుదు మంజుల పద మంజరి పూచిన పువ్వా
తన వేళ్ళే సంకెళ్ళై కదలలేని మొక్కలా
ఆమనికై ఎదురు చూస్తు ఆగిపోకు ఎక్కడ
అవధి లేని అందముంది అవనికి నలు దిక్కుల
ఆనందపు గాలి వాలు నడపనీ నిన్నిలా
ప్రతిరోజొక నవగీతిక స్వాగతించగా
వెన్నెల కిన్నెర గానం నీకు తోడుగా
పరుగాపక పయనించవె తలపుల నావా
కెరటాలకు తలవంచితె తరగదు త్రోవా
లలిత చరణ జనితం నీ సహజ విలాసం
జ్వలిత కిరణ కలితం సౌందర్య వికాసం
నీ అభినయ ఉషోదయం తిలకించిన రవి నయనం
గగన సరసి హౄదయంలో వికశిత శత దళ శోభల సువర్ణ కమలం

అందులో నీ స్నేహం... ఒక అమృతకావ్యం…

“ జననం ఒక సుప్రభాతం
మరణం ఒక సాయంసంధ్యా రాగం

రెండింటి మధ్య జీవితం
సుఖదుఃఖాల సంగమం.

అందులో నీ స్నేహం
ఒక అమృతకావ్యం…… ”

ఒక అక్షరంగా నన్ను గుర్తుంచుకో….

” జీవితం అనే లైబ్రరీలో
అనుభవం అనే పుస్తకంలో
పరిచయం అనే పేజీలో
స్నేహం అనే వరుసలో
స్నేహితుడు అనే పదంలో
నువ్వు కనీసం ఒక అక్షరంగా నన్ను గుర్తుంచుకో…. ”
శేషు...

స్వప్నవీదిలో .... నా కలల తోవలో..

స్వప్నవీదిలో ....
నా కలల తోవలో..
ఉగిసలాడే ........
ముందుగ మనసుకు ఎందుకు తెలియదో ..........
ప్రేమ యింత మాయా .........
ఏదో కాస్త సరదాగా మొదలైన ఆటా.....
తుదిలేని శ్వాసై గాలిలో తేలుతూ మైమరచి పోయా ...

న్యాయమో నేరమో మన్నించుమా ప్రియా.............

నిన్ను తలచుకుంటే చాలు ముళ్ళు కూడా పూలవుతాయి..
నిన్ను చూడకుంటే కళ్ళు పులుచూసి ముల్లంటాయి ....
మనసుకి పరిచయమైనది కనివిని ఎరుగని హాయి...
నిమిషము నిలబదనన్నది వయసుకి మతి చెడిపోయి..
ప్రేమ పిచ్చి అంటే ఏదో తెలిసింది నేడే ...
ఒడికి వొచ్చి వోదార్చందే ఈ పిచ్చిపోదే...........ఈ పిచ్చిపోదే .....

న్యాయమో నేరమో మన్నించుమా ప్రియా.............


ఎరుపురంగు సాయంత్రాలు ...
ఎడురుచుపులవుతుండాలి ...
మరపురాని ఏకాంతాలు కరిగిపోని కలలవ్వాలి ...
మనజత తెలిసిన తారలే పరుగున దిగిరావాలి ...
పరుపున నలిగిన పువ్వులే పులకలు చిగురించాలి ...
నుదుటిమీద తిలకం కానీ నీ వేడి ఊపిరి ...

కదలలేని కాలం కానీ ఈ నిండు కౌగిలి ............ఈ నిండు కౌగిలి .

న్యాయమో నేరమో మన్నించుమా ప్రియా..........